مازلت للشاعر العروسي الطبلبي
أرسلت بواسطة teboulbi laroussi في 3-1-1431 هـ
الموضوع: أخبار عامة
|
مازلت ليلي صاية****صعيب بلايا****مازلت نكيد صفّ اعدايا
مازلت عندي همّة****مازلت عربي نصون كلّ ذمّة
فصل الشّدّة نزيح كلّ غمّة****عند الغضب يتخمّلوا عدوايا
مازلت نسر فوق عالي قمّة****لا اطّولي مقرون ولا زغاية
مازلت عندي ضمير ****مازلت عربي على العرب نغير
مازلت نحشم مكلّ شيخ كبير****حتّى الشّناتة القو منّي رعاية
مازلت قادر في الهواء انطير****لاف ساز والميراج حارو معايا
مازلت ندرز نرزم ****مازلت عربي وين نشبّ نغنم
مازلت ولد كرام ضيفي نكرم****مرضاة ضيفي بغيتي ومنايا
مازلت زادة كل طاغي نرجم ****يعود واجي يسخّف الهوّايا
مازلت ندر نزهر****مازلت عربي بالعرب نفخر
مازلت شاعر على الشعر ننغر****وسط المحافل تهابني الغنّايا
مازلت زادة بين لدبة نعبر****لعراف جملة اتكبّ على ايدايا
مازلت ليلي صولة****مازلت عربي اتهابني الفحولة
مازلت شامخ كالجّبل في طولة****مركوز صامد كالهيمالايا
مازال بحري صعيب يزوزول****مرمو غامق غمّ كلّ ثنايا
____________****____________
____________****____________
____________****____________
وجب وقت اسكاتي ****بالخير نختم هيضتي وهيلاتي
عروسي المكني قريتها سلاماتي ****على الّي فهم طريزتي ومعنايا
طالب ربي تتمحي سياتي****ويغفر ذنوبي خالقي مولايا
|
|
| "مازلت للشاعر العروسي الطبلبي" دخول/تسجيل عضو | 1 تعليق |
|
| | التعليقات مملوكة لأصحابها. نحن غير مسؤلون عن محتواها. |
|
|
|
التعليق غير مسموح للضيوف, الرجاء التسجيل |
|
جواب: مازلت للشاعر العروسي الطبلبي (التقييم: 1)
بواسطة salem في 3-1-1431 هـ
(معلومات المستخدم | أرسل رسالة) | | شكرا يا اخي العروسي على هذه الهمة وانشاء الله ربي يثبتك |
|
|
| |
| دخول | | لم تسجل بعد؟ تستطيع التسجيل. بعد التسجيل يمكنك التحكم في التعليقات وإرسال تعليقات بإسمك. |
|
| تقييم المقال | المعدل: 4
تصويتات: 1
|
|
|
المواضيع
